ഇടുക്കി: രാജമലയിലെ പെട്ടിമുടിയിലുണ്ടായ ഉരുൾപ്പൊട്ടലിൽ മരിച്ചവരുടെ കുടുംബങ്ങൾക്കായുള്ള ധനസഹായ വിതരണം നാളെ നടക്കും. ആദ്യ ഘട്ടമായി മരിച്ച എഴുപത് പേരിൽ നാല്‍പ്പത്തിനാല് പേരുടെ കുടുംബങ്ങളിലെ നൂറ്റി ഇരുപത്തെയെട്ട് അനന്തരാവകാശികള്‍ക്കുള്ള ധനസഹായ വിതരണമാണ് നടക്കുന്നത്. ചൊവാഴ്ച്ച പതിനൊന്ന് മണിക്ക് മുന്നാർ പഞ്ചായത്ത് ഹാളിൽ വച്ച് മന്ത്രി എം.എം. മണിയാണ് ധനസഹായം വിതരണം ചെയ്യുന്നത്. ദുരന്തബാധിതര്‍ക്ക് തമിഴ്‌നാട് സര്‍ക്കാര്‍ ധനസാഹയം എത്തിച്ച് നല്‍കിയിരുന്നു എങ്കിലും കേരള സർക്കാർ പ്രഖ്യാപിച്ച ദുരിതാശ്വാസ തുക ദുരന്തം നടന്ന് മാസങ്ങൾ പിന്നിടുമ്പോഴും നല്‍കാത്തതിനെതിരെ നിരവധി പരാതികൾ ഉയർന്നിരുന്നു. ഈ സാഹചര്യത്തിലാണ് ധനസഹായ വിതരണം വേഗത്തിലാക്കാന്‍ സര്‍ക്കാര്‍ തീരുമാനിച്ചത്.
പെട്ടിമുടി ദുരിതബാധിതർക്കായുള്ള ധനസഹായ വിതരണം നാളെ