ഇടുക്കി: മണ്ണിടിച്ചില്‍ ഉണ്ടായ ലാക്കാട് ഗ്യാപ്പില്‍ തുടര്‍ നിര്‍മാണം നടത്തുന്നതിന് മുൻപ് ശാസ്ത്രീയ പഠനം നടത്താന്‍ തീരുമാനിച്ചതായി അഡ്വ. ഡീന്‍ കുര്യാക്കോസ് എംപി അറിയിച്ചു. തുടര്‍ച്ചയായി മലയിടിച്ചില്‍ ഉണ്ടായതിനെ തുടര്‍ന്ന് നിര്‍മാണജോലികള്‍ നിര്‍ത്തി വച്ച ദേശീയപാത 85ന്‍റെ ഭാഗമായ ലാക്കാട് ഗ്യാപ്പില്‍ ശാസ്ത്രീയ പഠനം നടത്താനാണ് പുതിയ തീരുമാനം. തുടര്‍ച്ചയായി മലയിടിച്ചിലുണ്ടാകുന്നതിനുള്ള കാരണം, ഏത് വിധത്തിലുള്ള നിര്‍മ്മാണ ജോലികള്‍ ഇനി സാധ്യമാകും, വീണ്ടും മലയിടിച്ചിലിനുള്ള സാധ്യത ഉണ്ടോ തുടങ്ങി വിവിധ കാര്യങ്ങള്‍ പഠനത്തിന് വിധേയമാക്കും. പഠന ചുമതല കോഴിക്കോട് ആസ്ഥാനമായുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയെ ഏല്‍പ്പിച്ചതായും പഠന റിപ്പോര്‍ട്ട് വന്ന ശേഷമാകും തുടര്‍ നിര്‍മാണ ജോലികളെന്നും ഡീന്‍ കുര്യാക്കോസ് പറഞ്ഞു.
ലാക്കാട് ഗ്യാപ്പ് : ശാസ്ത്രീയ പഠനം നടത്തണമെന്ന് ഡീന്‍ കുര്യാക്കോസ് എം.പി