ഇടുക്കി: കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി വെള്ളത്തൂവല്‍ ഗ്രാമപഞ്ചായത്തിലും ഡൊമിസിലറി കെയര്‍സെന്‍റര്‍ ക്രമീകരിച്ചു. കുഞ്ചിത്തണ്ണി സര്‍ക്കാര്‍ ഹയര്‍സെക്കണ്ടറി സ്‌കൂളിലാണ് 50 ബെഡുകളോട് കൂടി സെന്‍റര്‍ സജ്ജമാക്കിയിട്ടുള്ളത്. നിയുക്ത ദേവികുളം എംഎല്‍എ എ.രാജയും മന്ത്രി എം.എം മണിയും സെന്‍ററിലെത്തി ഒരുക്കങ്ങള്‍ വിലയിരുത്തി.
പഞ്ചായത്തിന്‍റെയും വെള്ളത്തൂവല്‍, എല്ലക്കല്‍ സര്‍വീസ് സഹകരണ ബാങ്കുകളുടെയും ഹൈറേഞ്ച് ഡയറിയുടേയും സഹകരണത്തോടെയാകും ഡിസിസിയിലേക്ക് വേണ്ടുന്ന ഭക്ഷണം ക്രമീകരിക്കുക.
വെള്ളത്തൂവല്‍ ഗ്രാമപഞ്ചായത്തില്‍ ഡൊമിസിലറി കെയര്‍ സെന്‍റര്‍ ക്രമീകരിച്ചു