സി.വി വര്‍ഗീസ് സി.പി.എം ഇടുക്കി ജില്ല സെക്രട്ടറി

1979ൽ 18ാം വയസിലാണ് പാർട്ടി അംഗമായി തെരഞ്ഞെടുക്കപ്പെട്ടത്.

ഇടുക്കി: സിപിഎം ഇടുക്കി ജില്ല സെക്രട്ടറിയായി സിവി വർഗീസിനെ തെരഞ്ഞെടുത്തു.
കെഎസ്‌വൈഎഫ് അമ്പലമേട് യൂണിറ്റ് സെക്രട്ടറിയായാണ് രാഷ്ട്രീയ പ്രവർത്തനത്തിന് തുടക്കം കുറിച്ചത് . 1979ൽ 18ാം വയസിൽ പാർട്ടി അംഗമായി തിരഞ്ഞെടുക്കപ്പെട്ടു.

ഡിവൈഎഫ്‌ഐ ഇടുക്കി ജില്ല പ്രസിഡന്‍റ്, ഡിവൈഎഫ്‌ഐ ജില്ല സെക്രട്ടറി, ഡിവൈഎഫ്‌ഐ സംസ്ഥാന വൈസ് പ്രസിഡന്‍റ് തുടങ്ങിയ സ്ഥാനം വഹിച്ചു . 1991ൽ സിപിഎം ജില്ല കമ്മറ്റിഅംഗമായി. 2001 മുതൽ ജില്ലാ സെക്രട്ടറിയേറ്റ് അംഗം, 2014 മുതൽ കർഷകസംഘം ജില്ലാ പ്രസിഡന്‍റ് തുടങ്ങിയ പദവി വഹിച്ചു.

2006ലും, 2011ലും ഇടുക്കിയിൽ നിന്നും എൽഡിഎഫ് സ്ഥാനാർഥിയായി നിയമസഭയിലേക്ക് മത്സരിച്ചെങ്കിലും പരാജയപ്പെട്ടു. കെഎസ്‌ആർടിസി ഡയറക്ടർ ബോർഡ് അംഗമായിരുന്നു.

കർഷക പ്രക്ഷോഭങ്ങളിലും പോരാട്ടങ്ങളിലും പങ്കെടുത്ത് നിരവധി തവണ പൊലീസ് മർദ്ദനം ഏറ്റുവാങ്ങിയിട്ടുണ്ട്. ഇരുപത്തിയൊന്ന് ദിവസത്തെ ജയിൽ വാസവും അനുഭവിച്ചു.