ഇടുക്കി മൈലാടും പാറയിൽ പശുവിനോട് കൊടും ക്രൂരത

പറമ്പിൽ കയറിയതിന് അയൽവാസി പശുവിൻ്റെ നട്ടെല്ല് തല്ലിത്തകർത്തെന്നാണ് ആരോപണം.

ഇടുക്കി: ക്ഷീരകർഷകനായ സണ്ണിയുടെ എട്ടുമാസം പ്രായമുള്ള പശുവിനെ ക്രൂരമായി ഉപദ്രവിച്ചതായി പരാതി. പറമ്പിൽ കയറിയതിന് അയൽവാസി പശുവിൻ്റെ നട്ടെല്ല് തല്ലിത്തകർത്തെന്നാണ് ആരോപണം.

ഞായറാഴ്ച വൈകിട്ടോടെയാണ് സംഭവമുണ്ടായതെന്ന് സണ്ണി പറഞ്ഞു. തന്‍റെ പറമ്പിൽ കെട്ടിയ പശു കെട്ടഴിഞ്ഞ് സതീശൻ്റെ പറമ്പിൽ കയറുകയായിരുന്നു. ഇത് മാത്രമാണ് ക്രൂര കൃത്യത്തിന് പിന്നിലെന്നും സണ്ണി കൂട്ടിച്ചേര്‍ത്തു.

അതേസമയം ആരോപണം നിഷേധിച്ചിച്ച് സതീശൻ രംഗത്തെത്തിയിട്ടുണ്ട്. സണ്ണിയുടെ പരാതിയുടെ അടിസ്ഥാനത്തില്‍ വണ്ടൻമേട് പൊലീസ് അന്വേഷണം തുടങ്ങി.