ഇടുക്കി: ജില്ലയുടെ അതിര്‍ത്തി ഗ്രാമങ്ങളില്‍ കൊവിഡ് വ്യാപനം രൂക്ഷമാകുന്നതോടെ പ്രതിരോധ പ്രവര്‍ത്തനങ്ങള്‍ ശക്തമാക്കി ജില്ലാ ഭരണകൂടം. നെടുങ്കണ്ടം, ഉടുമ്പന്‍ചോല, കരുണാപുരം തുടങ്ങി, ഇടുക്കിയിലെ അതിര്‍ത്തി ഗ്രാമപഞ്ചായത്തുകളില്‍ കൊവിഡ് വ്യാപനം വര്‍ധിച്ച സാഹചര്യത്തിലാണ് ജില്ലാ ഭരണകൂടം ശക്തമായ പ്രതിരോധ പ്രവര്‍ത്തനങ്ങള്‍ സ്വീകരിച്ചിരിക്കുന്നത്. കമ്പംമെട്ടിലെ ചെക്‌പോസ്റ്റില്‍ ആരോഗ്യ വകുപ്പിന്‍റെയും കരുണാപുരം പഞ്ചായത്തിന്‍റെയും പൊലീസിന്‍റെയും സംയുക്ത ആഭിമുഖ്യത്തിലാണ് പരിശോധനകള്‍ നടക്കുന്നത്. ആന്‍റിജൻ പരിശോധനകള്‍ക്ക് ശേഷമാണ് അതിര്‍ത്തി കടന്നെത്തുന്നവരെ കേരളത്തിലേയ്ക്ക് കടത്തുക.
അതിര്‍ത്തി ഗ്രാമങ്ങളില്‍ കൊവിഡ് വ്യാപനം രൂക്ഷം;പ്രതിരോധ പ്രവര്‍ത്തനങ്ങള്‍ ശക്തമാക്കി ജില്ലാ ഭരണകൂടം