ഇടുക്കിക്ക് 33 കോടി നൽകിയെന്ന് മന്ത്രി കടകംപള്ളി സുരേന്ദ്രൻ
ഇടുക്കി ജില്ലക്ക് 33 കോടി രൂപയുടെ വിനോദ സഞ്ചാര പദ്ധതികൾക്ക് അംഗീകാരം നൽകിയെന്ന് സഹകരണ ടൂറിസം വകുപ്പ് മന്ത്രി കടകംപള്ളി സുരേന്ദ്രൻ
ഇടുക്കി:പിണറായി സർക്കാർ വന്നതിന് ശേഷം ഇടുക്കി ജില്ലയിൽ മാത്രം 33 കോടി രൂപയുടെ വിനോദ സഞ്ചാര പദ്ധതികൾക്ക് അംഗീകാരം നൽകിയെന്ന് സഹകരണ ടൂറിസം വകുപ്പ് മന്ത്രി കടകംപള്ളി സുരേന്ദ്രൻ. "പൊന്മുടി ഡ്രീം വാലി" ടൂറിസം പദ്ധതിയുടെ ഉദ്ഘാടനം നിർവ്വഹിച്ച് പൊൻമുടിയിൽ സംസാരിക്കുകയായിരുന്നു അദ്ദേഹം. 33 കോടി രൂപ ജില്ലയ്ക്ക് അനുവദിക്കുകയെന്നത് ചരിത്ര സംഭവമാണ്. ഈ തുക ഉപയോഗിച്ചുകൊണ്ടുള്ള ഒട്ടുമുക്കാലും പദ്ധതികൾ പൂർത്തിയായിക്കഴിഞ്ഞു. അവശേഷിക്കുന്നവയുടെ നിർമാണം നടക്കുകയാണെന്നും, ജില്ലയുടെ ടൂറിസം സാദ്ധ്യതകൾ ഉപയോഗപ്പെടുത്തിക്കൊണ്ടുള്ള കൂടുതൽ പദ്ധതികൾ നടപ്പിലാക്കുവാൻ സർക്കാർ നടപടികൾ സ്വീകരിക്കുകയാണെന്നും മന്ത്രി കൂട്ടിച്ചേർത്തു.