ഇടുക്കി: ചിന്നക്കനാല്‍ ആദിവാസി പുനരധിവാസ പദ്ധതിയിലെ കോടികളുടെ അഴിമതിക്കേസ് വിജിലന്‍സ് അന്വേഷിക്കണമെന്ന് ആവശ്യപ്പെട്ട് യൂത്ത് കോണ്‍ഗ്രസ് രംഗത്ത്. ഇതിനായി നിയമ പോരാട്ടം നടത്തുമെന്ന് യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി അരുണ്‍ കെ എസ് പറഞ്ഞു. 2003 ലാണ് ചിന്നനാല്‍ എണ്‍പതേക്കര്‍, പന്തടിക്കളം, സിങ്കുകണ്ടം മുന്നൂറ്റിയൊന്ന്‌ കോളനി, സൂര്യനെല്ലി വിലക്ക് എന്നിവടങ്ങളില്‍ അഞ്ഞൂറ്റി ആറ് കുടുംബങ്ങള്‍ക്ക് ഒരേക്കര്‍ വീതം സ്ഥലവും വീടും നല്‍കി കുടിയിരുത്തിയത്. ഇതിന് ശേഷം അടിസ്ഥാന സൗകര്യങ്ങളും സുരക്ഷാ സംവിധാനങ്ങളും ഇല്ലാത്തിനാല്‍ ആദിവാസികള്‍ വീടും സ്ഥലവും ഉപേക്ഷിച്ച് പലായനം ചെയ്യുകയായിരുന്നു. എന്നാല്‍ ആളില്ലാത്ത കോളനികളില്‍ കോടികളുടെ വികസന പദ്ധതികൾ നടപ്പിലാക്കിയിരിക്കുന്നതായാണ് പറയപ്പെടുന്നതെന്ന് യൂത്ത് കോണ്‍ഗ്രസ് ആരോപിച്ചു.
ചിന്നക്കനാല്‍ ആദിവാസി പുനരധിവാസ പദ്ധതി; വിജിലന്‍സ് അന്വേഷിക്കണമെന്ന് ആവശ്യപ്പെട്ട് യൂത്ത് കോണ്‍ഗ്രസ്