ഇടുക്കി: കട്ടപ്പന നഗരത്തിൽ സ്ഥാപിച്ച നിരീക്ഷണ ക്യാമറകൾ മിഴിയടച്ചു. വിവിധ മേഖലകളിലായി സ്ഥാപിച്ച 19 നിരീക്ഷണ ക്യാമറകളാണ് പ്രവര്‍ത്തനരഹിതമായത്. ലക്ഷങ്ങൾ ചിലവഴിച്ചാണ് നഗരസഭ നിരീക്ഷണ ക്യാമറകൾ സ്ഥാപിച്ചത്. 2018 ഏപ്രിലിലാണ് നഗരത്തിന്‍റെ 16 കേന്ദ്രങ്ങളിലായി 32 ക്യാമറകള്‍ സ്ഥാപിച്ച് നിരീക്ഷണം ശക്തമാക്കിയത്. പൊലീസ്‌ സ്റ്റേഷനില്‍ കണ്‍ട്രോള്‍ യൂണിറ്റ് സ്ഥാപിച്ചാണ് നിരീക്ഷണം നടത്തുന്നത്. നഗരത്തില്‍ നടക്കുന്ന എല്ലാവിധ പ്രവര്‍ത്തനങ്ങളും നിരീക്ഷിക്കുന്നതിനും കുറ്റക്കാര്‍ക്കെതിരെ നടപടി സ്വീകരിക്കുന്നതിനും വേണ്ടിയാണ് ക്യാമറകള്‍ സ്ഥാപിച്ചത്. എന്നാല്‍ ഇപ്പോൾ 13 ക്യാമറകൾ മാത്രമാണ് പ്രവർത്തിക്കുന്നത്.
കണ്ണടച്ച് നിരീക്ഷണ ക്യാമറകൾ; കട്ടപ്പനയിൽ സാമൂഹിക വിരുദ്ധരുടെ ശല്യം