ഇടുക്കി: സ്ഥാനാർഥികൾ തുറന്ന ജീപ്പുകളിലും കാൽനടയായും ഒക്കെ പ്രചാരണം നടത്താറുണ്ട്. എന്നാൽ കമ്പംമേട്ടിലെ ചേറ്റുക്കുഴി വാർഡിൽ മത്സരിക്കുന്ന മോൻസ് പ്രചാരണത്തിനായി തെരഞ്ഞെടുത്തത് പുതു തലമുറ അധികം കണ്ടു പരിചയിച്ചിട്ടില്ലാത്ത കാളവണ്ടിയാണ്.
കാളവണ്ടിയിലേറിയുള്ള മോൻസിന്‍റെ ഇലക്ഷൻ പ്രചരണം പുതു തലമുറ കൗതുകത്തോടെ നോക്കി നിൽക്കുമ്പോൾ നാട്ടിലെ തലമുതിർന്നവർക്ക് അത് ഗൃഹാതുരത്വം ഉണർത്തുന്ന കാഴ്‌ചയായി മാറുകയാണ്. മോൻസിന്‍റെ ഈ വ്യത്യസ്‌തമായ പ്രചാരണ രീതി നാട്ടുകാരുടെ ശ്രദ്ധ നേടിയിട്ടുണ്ട്. എന്തായാലും ഈ വ്യത്യസ്‌ത പ്രചരണ രീതി കൊണ്ട് മോൻസിന് നാട്ടുകാരെ എത്രത്തോളം കൈയ്യിലെടുക്കാനാവും എന്നറിയാന്‍ തെരഞ്ഞെടുപ്പ് കഴിയും വരെ കാത്തിരിക്കണം.