ഇടുക്കി: നിർമാണസാമഗ്രികളുടെ അഭാവത്തിൽ പ്രതിസന്ധിയിലായി ഇടുക്കിയിലെ കെട്ടിട നിർമാണമേഖല. പാറയും മണലും ഉൾപ്പടെയുള്ള അസംസ്‌കൃത വസ്‌തുക്കളുടെ അഭാവം സര്‍ക്കാരിന്‍റെ ഭവന നിര്‍മാണ പദ്ധതികൾ നടപ്പിലാക്കുന്നതിലും തടസമായി. പുറത്തുനിന്നും നിർമാണ സാമഗ്രികള്‍ എത്തിക്കുന്നതിന് വന്‍തുക മുടക്കേണ്ടി വരുന്നതിനാൽ റോഡുകളടക്കം ടാറിങ്ങ് നടത്തുന്നതിന് കരാറെടുക്കാന്‍ കോണ്‍ട്രാക്‌ടര്‍മാരും തയ്യാറാകുന്നില്ല. ലൈഫ് പദ്ധതിയുടെ നിർമാണമടക്കം ഇപ്പോള്‍ പ്രതിസന്ധിയിലാണ്. ഈ സാഹചര്യത്തിലാണ് നിലവില്‍ പുഴകളില്‍ അടിഞ്ഞ് കിടക്കുന്ന മണല്‍ വാരുന്നതിന് അനുമതി നല്‍കണമെന്ന ആവശ്യം ഉയരുന്നത്.
നിർമാണസാമഗ്രികളുടെ ലഭ്യതക്കുറവിൽ കെട്ടിട നിർമാണമേഖല പ്രതിസന്ധിയിൽ