ഇടുക്കി: പൂപ്പാറയിലെ ബിവറേജസ് ഔട്ടലെറ്റിൽ മദ്യം വാങ്ങാനെത്തിയ സംഘം സമീപത്തെ കടയിലുണ്ടായിരുന്ന സഹോദരങ്ങളെ ക്രൂരമായി മർദ്ദിച്ചു. കട നടത്തുന്ന നെടുങ്കണ്ടം സ്വദേശി റോഷിയുടെ മക്കളായ ജോയൽ, പ്രായപൂർത്തിയാകാത്ത സഹോദരൻ ജോമൽ എന്നിവർക്കാണ് മർദ്ദനമേറ്റത്. റോഷി ഈ സമയം കടയിലുണ്ടായിരുന്നില്ല. മദ്യ ലഹരിയിലായിരുന്ന സംഘം കടയിൽ സാധനം വാങ്ങുന്നതിനായി കയറിയ ശേഷം സഹോദരങ്ങളുമായി വാക്കുതർക്കത്തിലേർപ്പെട്ടു. തുടർന്ന് ഇവരെ കടയിൽ നിന്ന് വലിച്ചു പുറത്തിട്ട് മർദ്ദിക്കുകയായിരുന്നു.
പൂപ്പാറയിൽ മദ്യപ സംഘത്തിന്‍റെ ആക്രമണത്തിൽ സഹോദരങ്ങൾക്ക് പരിക്ക്