ഇടുക്കി: പ്രളയത്തില്‍ തകര്‍ന്ന അടിമാലി 12-ാം മൈലിലെ പാലം പുനര്‍നിര്‍മിക്കാന്‍ നടപടിയില്ല. പാലം തകര്‍ന്ന് ഒരു വര്‍ഷം പിന്നിടുമ്പോഴും നാട്ടുകാര്‍ സജ്ജമാക്കിയിട്ടുള്ള താല്‍ക്കാലിക നടപ്പാലമാണ് പ്രദേശത്തെ നൂറുകണക്കിന് കുടുംബങ്ങളുടെ ആശ്രയം.
പാലം തകര്‍ന്നിട്ട് ഒരു കൊല്ലം; പുനര്‍നിര്‍മിക്കാന്‍ നടപടിയില്ല
കഴിഞ്ഞ പ്രളയത്തിലാണ് ദേവിയാര്‍ പുഴയ്ക്ക് കുറുകെ നിര്‍മിച്ചിരുന്ന പാലം തകര്‍ന്നത്.
അടിമാലി 12-ാംമൈലിലെ പാലം
അടിമാലി ഗ്രാമപഞ്ചായത്തിലെ 12-ാം മൈലിനേയും മെഴുകുംചാലിനേയും ബന്ധിപ്പിച്ച് ദേവിയാര്‍ പുഴയ്ക്ക് കുറുകെ നിര്‍മിച്ചിരുന്ന പാലത്തിന്‍റെ മധ്യഭാഗം കഴിഞ്ഞ പ്രളയത്തിലാണ് ഒഴുകി പോയത്. മെഴുകുംചാല്‍ മേഖലയിലെ വിദ്യാര്‍ഥികള്‍ ഉള്‍പ്പെടെയുള്ള ആളുകള്‍ കൊച്ചി- ധനുഷ്‌ക്കോടി ദേശീയപാതയിലെത്തിയിരുന്നത് ഈ പാലത്തിലൂടെയായിരുന്നു. ഒരു വർഷം കഴിഞ്ഞിട്ടും പാലം പുനര്‍ നിര്‍മിക്കുന്നതിനോ യാത്രാ ക്ലേശം പരിഹരിക്കുന്നതിനോ നടപടിയുണ്ടായിട്ടില്ലെന്നാണ് പ്രദേശവാസികളുടെ പരാതി.
പാലം തകര്‍ന്നിട്ട് ഒരു കൊല്ലം; പുനര്‍നിര്‍മിക്കാന്‍ നടപടിയില്ല
ഒഴുകി പോയ പാലത്തിന്‍റെ മധ്യ ഭാഗത്ത് നാട്ടുകാര്‍ തടി വെട്ടിയിട്ട് താല്‍ക്കാലിക യാത്രാ സംവിധാനമൊരുക്കിയിട്ടുണ്ട്. ഏത് നിമിഷവും തകരാവുന്ന താല്‍ക്കാലിക സംവിധാനത്തിലൂടെയാണ് നാട്ടുകാരുടെ ഇപ്പോഴത്തെ യാത്ര. തകര്‍ന്ന പാലത്തിന് പകരം പുതിയ പാലം നിര്‍മിച്ച് യാത്രാ ദുരിതത്തിന് പരിഹാരം കാണണമെന്ന് പ്രദേശവാസികള്‍ ഒന്നടങ്കം ആവശ്യപ്പെടുന്നു.
Last Updated : Aug 28, 2019, 9:29 PM IST