ഇടുക്കി: ആയുർവേദത്തിലൂടെ കൊവിഡിനെ പ്രതിരോധിക്കാൻ സംസ്ഥാന സർക്കാർ ആവിഷ്കരിച്ച പദ്ധതികളുടെ ഭാഗമായി പൂപ്പാറ ആയുർവേദ ആശുപത്രിയും റെസിഡൻസ് അസോസിയേഷനും ചേർന്ന് വീടുകളിൽ ആയൂർവേദ പ്രതിരോധ മരുന്നുകൾ എത്തിച്ചു നൽകി. പൂപ്പാറയിലെ 84 ഓളം കുടുംബങ്ങൾക്കാണ് മരുന്ന് എത്തിച്ച് നൽകിയത്. കർഷകരും, തൊഴിലാളികളും, ഇതര സംസ്ഥാനക്കാരും തിങ്ങിപ്പാർക്കുന്ന ഈ മേഖലയിൽ കൊവിഡ് ബാധിതരും, നിരീക്ഷണത്തിൽ കഴിയുന്നവരും, കൊവിഡ് മുക്തരുമായ നിരവധിപ്പേരുണ്ട്.
ayurvedic preventive medicines distributed
കൊവിഡാനന്തരവും വാർധക്യ സഹജവുമായ ബുദ്ധിമുട്ടുകൾ ഉൾപ്പെടെ നിരവധി പ്രശ്നങ്ങൾ നേരിടുന്ന ഇവർക്ക് ആരോഗ്യ സംരക്ഷണം ഉറപ്പാക്കുകയെന്ന ലക്ഷ്യത്തോടെയാണ് ആയുർവേദ മരുന്നുകൾ നൽകിയത്. ആയുർവേദ മരുന്നുകൾക്ക് പുറമെ ഭക്ഷണ കിറ്റുകൾ, ഹോമിയോ, അലോപ്പതി മരുന്നുകൾ, സാമ്പത്തിക സഹായം എന്നിവയും അസോസിയേഷന്‍റെ നേതൃത്വത്തിൽ നൽകിവരുന്നു.