ഇടുക്കി: നെടുങ്കണ്ടത്ത് മധ്യവയസ്‌കന് നേരെ ക്രൂര മർദനം. കല്ലാർപാറ സ്വദേശിയായ വേണുവിനാണ് മർദനമേറ്റത്. സംഭവത്തിൽ ഗോപി ഇയാളുടെ മകൻ രാഹുൽ എന്നിവരെ നെടുങ്കണ്ടം പൊലീസ് അറസ്റ്റ് ചെയ്തു. കഴിഞ്ഞ ദിവസം രാത്രിയിൽ നെടുംകണ്ടതിനു സമീപം കല്ലാറിലാണ് സംഭവം നടന്നത്.
വേണുവിന്‍റെ സുഹൃത്തുക്കൾ ആണ് ഗോപിയും ഗോപിയുടെ മകൻ രാഹുലും. മൂവരും സംസാരിച്ചു കൊണ്ടിരിയ്ക്കുന്നതിനിടെ രാഹുൽ വേണുവിന്‍റെ അച്ഛനെ അസഭ്യം പറയുകയായിരുന്നു. ഇത് ചോദ്യം ചെയ്ത വേണുവിനെ മദ്യലഹരിയിൽ ആയിരുന്ന ഇരുവരും ചേർന്ന് മർദിക്കുകയായിരുന്നു.
ഇടുക്കി നെടുങ്കണ്ടത്ത് മധ്യവയസ്‌കന് നേരെ ക്രൂര മർദ്ദനം; അച്ഛനും മകനും പിടിയിൽ