ഇടുക്കി: അടിമാലി ബസ്സ്റ്റാന്‍ഡില്‍ പ്രവര്‍ത്തിക്കുന്ന വസ്‌ത്രവ്യാപാരശാല കുത്തിതുറന്ന് പണവും ഹോംതിയേറ്ററും മോഷ്‌ടിച്ചു. കടയില്‍ ഉണ്ടായിരുന്ന വസ്‌ത്രങ്ങള്‍ക്കും സിസിടിവിക്കും കംപ്യൂട്ടറിനും മോഷ്‌ടാവ് കേടുപാടുകള്‍ വരുത്തിയിട്ടുണ്ട്. സംഭവത്തില്‍ കടയുടമ അടിമാലി പൊലീസില്‍ പരാതി നല്‍കി. ബുധനാഴ്‌ച പുലര്‍ച്ചെയാണ് അടിമാലി ബസ്സ്റ്റാന്‍ഡില്‍ പ്രവര്‍ത്തിച്ചു വരുന്ന വസ്‌ത്രവ്യാപാരശാലയില്‍ മോഷണം നടന്നത്. കടയുടെ പിന്‍ഭാഗം പൊളിച്ചാണ് മോഷ്‌ടാവ് ഉള്ളില്‍ കടന്നത്. ഇയാളുടെ ചിത്രം സിസിടിവിയില്‍ പതിഞ്ഞിട്ടുണ്ടെന്നും കടയില്‍ ഉണ്ടായിരുന്ന ആറായിരത്തോളം രൂപയും ഹോം തിയേറ്ററുമാണ് മോഷണം പോയതെന്നും കടയുടമ പറഞ്ഞു.
അടിമാലി ബസ്സ്റ്റാന്‍ഡില്‍ വീണ്ടും മോഷണം.