ഇടുക്കി: അടിമാലി ബസ് സ്റ്റാന്‍ഡിലെ പൊതുശുചിമുറിയുമായി ബന്ധപ്പെട്ട മാലിന്യപ്രശ്‌നത്തിന് പരിഹാരവുമായി അടിമാലി ഗ്രാമപഞ്ചായത്ത്. ശുചിമുറിയില്‍ നിന്നും മാലിന്യങ്ങള്‍ പുറത്തേക്ക് ഒഴുകുന്നത് തടയാന്‍ സ്റ്റാന്‍ഡില്‍ സെപ്‌റ്റേജ് ട്രീറ്റ്‌മെന്‍റ് പ്ലാന്‍റ് സ്ഥാപിച്ചു. ശുചിത്വമിഷന്‍റെ സഹകരണത്തോടെ 19 ലക്ഷം രൂപ മുതല്‍മുടക്കിയാണ് പ്ലാന്‍റിന്‍റെ നിര്‍മാണം പൂര്‍ത്തീകരിച്ചിട്ടുള്ളത്. ശുചിമുറിയില്‍ നിന്നും മാലിന്യങ്ങള്‍ പുറത്തേക്കൊഴുക്കുന്നതുമായി ബന്ധപ്പെട്ട് ഏറെ പരാതികളും ആക്ഷേപങ്ങളും ഉയര്‍ന്നിരുന്നു. പലപ്പോഴും ശുചിമുറി മാലിന്യം വലിയ രീതിയിലുള്ള ദുര്‍ഗന്ധത്തിനും ഇടവരുത്തി. ഇത്തരം പ്രശ്‌നങ്ങള്‍ക്ക് പരിഹാരമായാണ് സ്റ്റാന്‍ഡില്‍ സെപ്‌റ്റേജ് ട്രീറ്റ്‌മെന്‍റ് പ്ലാന്‍റ് സ്ഥാപിച്ചത്.
അടിമാലി ബസ് സ്റ്റാന്‍ഡിലെ മാലിന്യപ്രശ്‌നത്തിന് പരിഹാരവുമായി ഗ്രാമപഞ്ചായത്ത്