പനങ്ങാട് യുവാവിനെ മരിച്ച നിലയില്‍ കണ്ടെത്തി; കൊലപാതകമെന്ന് സംശയം

രഞ്ജിത്തെന്ന യുവാവിനെയാണ് മരിച്ച നിലയില്‍ കണ്ടെത്തിയത്. അസ്വഭാവിക മരണത്തിന് പൊലീസ് കേസെടുത്ത് അന്വേഷിക്കുകയാണ്.

എറണാകുളം:പനങ്ങാട് യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കുമ്പളങ്ങി പഞ്ചായത്ത് ഒഫീസ് പരിസരത്താണ് രഞ്ജിത്തെന്ന യുവാവിന്‍റെ മൃതദേഹം കണ്ടെത്തിയത്. മൃതദേഹത്തില്‍ മുഖത്ത് മർദ്ദനമേറ്റ് രക്തം ഒലിച്ച പാടുണ്ട്.

കൊലപാതക സാധ്യത തള്ളി കളയാൻ കഴിയില്ലന്ന് കൊച്ചി സിറ്റി പൊലീസ് അറിയിച്ചു. നേരത്തെ ഈ പ്രദേശത്ത് താമസിച്ചിരുന്ന രഞ്ജിത്തിന് ഇവിടെ വ്യക്തി ബന്ധങ്ങളുണ്ടായിരുന്നു. ഏത് സാഹചര്യത്തിലാണ് രഞ്ജിത്ത് ഇവിടെ എത്തിയത്, ഇന്നലെ ഇയാൾ നടത്തിയ ഫോൺ സംഭാഷണങ്ങൾ എന്നിവ ഉൾപ്പടെ പൊലീസ് പരിശോധിച്ച് വരികയാണ്. അസ്വഭാവിക മരണത്തിന് പോലീസ് കെസെടുത്തു അന്വേഷണം തുടങ്ങി.