എറണാകുളം : കൊച്ചി മെട്രോ ഓഫിസിലേക്ക് (കെഎംആര്‍എല്‍) പഴയ വസ്‌തുക്കളുമായി മാർച്ച് നടത്തി യൂത്ത് കോൺഗ്രസ്. പുരാവസ്തു തട്ടിപ്പുകാരൻ മോൻസൺ മാവുങ്കലുമായി ബന്ധമുള്ള മുൻ ഡിജിപി ലോക്‌നാഥ് ബെഹ്റയെ കൊച്ചി മെട്രോ എം.ഡി സ്ഥാനത്ത് നിന്ന് പുറത്താക്കണമെന്നാവശ്യപ്പെട്ടായിരുന്നു പ്രതിഷേധം.
വിവിധ സ്ഥലങ്ങളിൽ നിന്ന് ശേഖരിച്ച പഴയവസ്‌തുക്കളുമായാണ് യൂത്ത് കോൺഗ്രസ് പ്രവർത്തകർ മാർച്ച് നടത്തിയത്. തുടർന്ന് വസ്‌തുക്കൾ കെ.എം.ആർ.എൽ ഓഫിസിന് മുൻപിൽ പ്രതീകാത്മകമായി എം.ഡി ലോക്‌നാഥ് ബെഹ്റയ്ക്ക് സമർപ്പിച്ചു.
പുരാവസ്‌തുക്കളുമായി യൂത്ത് കോൺഗ്രസ് കൊച്ചി മെട്രോയിലേക്ക്; ബെഹ്റയെ മാറ്റണമെന്നാവശ്യം