എറണാകുളം: വളപട്ടണം ഐ എസ് റിക്രൂട്ട്മെന്റ് കേസിൽ പ്രതികളുടെ ശിക്ഷ ഇന്ന് വിധിക്കും (15-07-2022). കേസിലെ ഒന്നാം പ്രതി മിഥിലാജ്, രണ്ടാം പ്രതി അബ്ദുല് റസാഖ്, അഞ്ചാം പ്രതി ഹംസ എന്നിവര്ക്കുള്ള ശിക്ഷയാണ് ഇന്ന് വിധിക്കുക. കൊച്ചിയിലെ പ്രത്യേക എൻ.ഐ.എ കോടതിയാണ് ഇന്ന് ഉച്ചയ്ക്ക് ശേഷം വിധി പറയുന്നത്.
15 പേരെ തീവ്രവാദ സംഘടനയായ ഐ.എസിലേക്ക് റിക്രൂട്ട് ചെയ്തെന്ന കേസില് മൂന്ന് പ്രതികളും കുറ്റക്കാരാണെന്ന് ചൊവ്വാഴ്ച കോടതി കണ്ടെത്തിയിരുന്നു. പ്രതികള്ക്കെതിരെ യു.എ.പി.എയും, രാജ്യത്തിനെതിരെ യുദ്ധത്തിന് പദ്ധതിയിടല്, ഗൂഢാലോചന എന്നീ കുറ്റങ്ങളില് ഉള്ള പങ്കുമാണ് കോടതി കണ്ടെത്തിയത്. കണ്ണൂർ വളപട്ടണം പൊലീസാണ് ആദ്യം കേസ് രജിസ്റ്റർ ചെയ്തത്.