എറണാകുളം:മമ്മൂട്ടിയെ നേരില്‍ കണ്ട് വോട്ടഭ്യര്‍ഥിച്ച് തൃക്കാക്കരയിലെ യു.ഡി.എഫ് സ്ഥാനാർഥി ഉമ തോമസ്. ഹൈബി ഈഡൻ എം.പിക്കൊപ്പമാണ് കൊച്ചി എളംകുളത്തെ മമ്മൂട്ടിയുടെ വീട്ടിലെത്തി ഉമ വോട്ടുതേടിയത്. മണ്ഡലത്തിലെ വോട്ടര്‍ കൂടിയായ മമ്മൂട്ടി ഉമ തോമസിന് വിജയാശംസകള്‍ നേര്‍ന്നു.
ഉമ തോമസിന് വിജയാശംസകളുമായി മമ്മൂട്ടി
എഴുത്തുകാരി ലീലാവതി ടീച്ചറുടെ വസതിയിലെത്തിയായിരുന്നു ഉമ തോമസ് ശനിയാഴ്‌ച പ്രചാരണത്തിന് തുടക്കമിട്ടത്. "നീ വന്നില്ലെങ്കിലും എന്‍റെ എല്ലാ അനുഗ്രഹങ്ങളുമുണ്ട് ജയിച്ച് വരും" എന്ന പ്രതികരണത്തോടെയായിരുന്നു ലീലാവതി ടീച്ചർ ഉമയെ സ്വീകരിച്ചത്. പി.ടി തോമസിന് തൃക്കാക്കരയിലെ കഴിഞ്ഞ രണ്ട് തെരഞ്ഞെടുപ്പിലും കെട്ടി വയ്ക്കാൻ പണം നൽകിയ പതിവ് ഉമയുടെ കാര്യത്തിലും ടീച്ചർ തെറ്റിച്ചില്ല.