എറണാകുളം: അധ്യാപകരുടെ നിരുത്തരവാദപരമായ പെരുമാറ്റം മൂലം അകാലത്തിൽ പൊലിഞ്ഞ ഷഹല ഷെറിന് ജില്ലാ കലോത്സവ വേദിയില്‍ ആദരാഞ്ജലി അര്‍പ്പിച്ച് കലാകാരൻമാര്‍. മുപ്പത്തിരണ്ടാമത് ജില്ലാ കലോത്സവത്തിന്‍റെ മുഖ്യ വേദിയായ ഗവൺമെന്‍റ് ഗേൾസ് സ്‌കൂളിലാണ് ചിത്രകാരനും ലളിതകലാ അക്കാദമി അവാർഡ് ജേതാവുമായ ഷാനവാസ്, ചിത്രകാരൻ കോട്ടപ്പറമ്പിൽ എന്നിവർ ചേർന്ന് ഷഹലക്ക് ആദരമായി ലൈവ് കാരിക്കേച്ചർ സംഘടിപ്പിച്ചത്. പരിസ്ഥിതി ജീവകാരുണ്യ സംഘടനയായ 'നമ്മൾ' ട്രസ്റ്റ് ചെയർമാൻ യാസർ യാച്ചു, സ്‌കൂൾ പിടിഎ പ്രസിഡന്‍റ് ടി.എം.സക്കീർ എന്നിവരും പങ്കെടുത്തു.
കലോത്സവ നഗരിയില്‍ ഷഹലക്ക് ആദരാഞ്ജലി അര്‍പ്പിച്ച് ചിത്രകാരന്മാര്‍