'നടന്നത് കൂട്ടായ പ്രവർത്തനം, ഭൂരിപക്ഷമുയരും'; തൃക്കാക്കരയിൽ യുഡിഎഫ് മികച്ച വിജയം നേടുമെന്ന് ഉമ തോമസ്

രാവിലെ ഏഴുമണിക്ക് തന്നെ പൈപ്പ് ലൈൻ ജംഗ്ഷനിലെ ബൂത്ത് 50 ൽ എത്തി ഉമ തോമസ് വോട്ട് രേഖപ്പെടുത്തി

എറണാകുളം : തൃക്കാക്കരയിൽ മികച്ച വിജയമുണ്ടാകുമെന്ന് യുഡിഎഫ് സ്ഥാനാർഥി ഉമ തോമസ്. മണ്ഡലത്തിൽ നടന്നത് കൂട്ടായ പ്രവർത്തനമാണ്. ഇതിന്‍റെ ഫലം ലഭിക്കുമെന്ന് ഉറച്ച് വിശ്വസിക്കുന്നതായും ഉമ തോമസ് മാധ്യമങ്ങളോട് പറഞ്ഞു.

ഇത്തവണ ഭൂരിപക്ഷം ഉയരുമെന്നും യുഡിഎഫ് സ്ഥാനാർഥി ആത്മവിശ്വാസം പ്രകടിപ്പിച്ചു. രാവിലെ ഏഴുമണിക്ക് തന്നെ പൈപ്പ് ലൈൻ ജംഗ്ഷനിലെ ബൂത്ത് 50 ൽ എത്തി ഉമ തോമസ് വോട്ട് രേഖപ്പെടുത്തിയിരുന്നു.