എറണാകുളത്ത് ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി

Kochi Vennala mass suicide: കൊച്ചി വെണ്ണലയിൽ ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. സാമ്പത്തിക ബാധ്യത മൂലം ജീവനൊടുക്കുന്നതായാണ് സൂചന.

എറണാകുളം: വെണ്ണലയിൽ ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. അമ്മ ഗിരിജ, മകള്‍ രജിത (35), മകളുടെ ഭർത്താവ്‌ പ്രശാന്ത്(40) എന്നിവരെയാണ് മരിച്ച നിലയില്‍ കണ്ടെത്തിയത്‌. ആത്മഹത്യയെന്നാണ് പ്രാഥമിക നിഗമനം.

Kochi Vennala mass suicide: വീട്ടില്‍ നിന്നും ആത്മഹത്യ കുറിപ്പ് കണ്ടെടുത്തു. സാമ്പത്തിക ബാധ്യത മൂലം ജീവനൊടുക്കുന്നതായാണ് ആത്മഹത്യ കുറിപ്പിലുള്ളത്. ഇതേ വീട്ടിലുണ്ടായിരുന്ന രജിതയുടെ മക്കള്‍ പുലര്‍ച്ചെ എഴുന്നേറ്റ സമയത്താണ് മൂന്ന് പേരെയും മരിച്ച നിലയിൽ കണ്ടത്. ഇവർ ബഹളം വെച്ചതിനെ തുടർന്നാണ് നാട്ടുകാർ വിവരമറിഞ്ഞത്.

തുടര്‍ന്ന്‌ പൊലീസെത്തി ഇൻക്വസ്‌റ്റ്‌ ഉൾപ്പടെയുള്ള തുടർ നടപടികളിലേക്ക് കടന്നു. അസ്വാഭാവിക മരണത്തിന് പൊലീസ് കേസെടുത്തു. വർഷങ്ങളായി വെണ്ണലയിൽ താമസിച്ചു വരുന്ന കുടുംബത്തിലെ മൂന്ന് പേർ ആത്മഹത്യ ചെയ്‌തതിന്‍റെ ഞെട്ടലിലാണ് നാട്ടുകാർ. എല്ലാവരുമായി നല്ല ബന്ധം പുലർത്തിയിരുന്ന ഇവർക്ക് കടബാധ്യത ഉള്ളതായി അറിയില്ലന്നാണ് നാട്ടുകാർ പറയുന്നത്‌.