എറണാകുളം : പുതിയ അഡ്മിനിസ്ട്രേറ്റര്‍ പ്രഫുല്‍ ഖോഡ പട്ടേലിന്‍റെ ഭരണ പരിഷ്കാരങ്ങള്‍ക്കെതിരെ ലക്ഷദ്വീപ് ജനത ജനകീയ നിരാഹാര സമരം സംഘടിപ്പിച്ചു. തിങ്കളാഴ്ച രാവിലെ ആറിന് തുടങ്ങിയ സമരം വൈകീട്ട് ആറിനാണ് അവസാനിച്ചത്. സേവ് ലക്ഷദ്വീപ് ഫോറമാണ് സമരത്തിന് നേതൃത്വം നല്‍കിയത്.
പ്രഫുല്‍ ഖോഡ പട്ടേലിന്‍റെ ഭരണ പരിഷ്കാരങ്ങള്‍ക്കെതിരെ ജനകീയ നിരാഹാരം സംഘടിപ്പിച്ച് ലക്ഷദ്വീപ് ജനത.
ചരിത്രത്തിൽ ആദ്യമായാണ് ദ്വീപിൽ ഹർത്താൽ പ്രതീതി ഉണ്ടാകുന്നത്. മെഡിക്കല്‍ ഷോപ്പുകള്‍ ഒഴികെയുള്ള കടകള്‍ അടച്ച് പ്രതിഷേധത്തില്‍ അണിചേര്‍ന്നു. മെഡിക്കൽ ജീവനക്കാർ ജാഗ്രത പാലിക്കണമെന്ന് അഡ്മിനിസ്ട്രേഷൻ നിർദേശം നൽകിയിരുന്നു. അതോടൊപ്പം, അടിയന്തര ചികിത്സ ആവശ്യങ്ങളുണ്ടായാല്‍ വേണ്ട സംവിധാനങ്ങള്‍ ഒരുക്കണമെന്നും നിര്‍ദേശമുണ്ടായിരുന്നു.