എറണാകുളം:ബോളിവുഡ് നടി സണ്ണി ലിയോണിനെതിരായ കേസിൽ വഴിതിരിവ്. പരാതിക്കാരനും നടിയും തമ്മിൽ കരാറുകൾ നിലവിലില്ലെന്നും, മറ്റു ചിലരുടെ അക്കൗണ്ട് വഴിയാണ് സണ്ണി ലിയോണിന് പണം നൽകിയതെന്നും ക്രൈംബാഞ്ച് കണ്ടെത്തി. കേസിൽ കുടുതൽ അന്വേഷണം ആവശ്യമാണെന്നും ക്രൈംബ്രാഞ്ച് വ്യക്തമാക്കി. സണ്ണി ലിയോണിയുടെ അറസ്റ്റ് ഹൈക്കോടതി കഴിഞ്ഞ ദിവസം തടഞ്ഞിരുന്നുവെങ്കിലും നടിയെ ചോദ്യം ചെയ്യാനും അന്വേഷണം തുടരാനും അനുമതി നൽകിയിരുന്നു.
ഷിയാസ് എന്നയാളുടെ പരാതിയെ തുടർന്ന് വഞ്ചന, ചതി, പണാപഹരണം എന്നീ വകുപ്പുകൾ ചുമത്തിയാണ് സണ്ണി ലിയോണിനെതിരെ കേസ് രജിസ്റ്റർ ചെയ്തത്. എന്നാൽ ഇതിൽ ഏതെല്ലാം വകുപ്പ് നിലനിൽക്കുമെന്ന് അന്വേഷണ സംഘം പരിശോധിച്ച് വരികയാണ്. കഴിഞ്ഞ വ്യാഴാഴ്ചയായിരുന്നു നടിയെ തിരുവനന്തപുരത്ത് വെച്ച് ക്രൈംബ്രാഞ്ച് ചോദ്യം ചെയ്തത്.