എറണാകുളം: തൃശ്ശൂരിൽ വിജയ സാധ്യതയില്ലെന്നും മത്സര സാധ്യതയാണുളളതെന്നും സുരേഷ് ഗോപി. ആശുപത്രി വിട്ട ശേഷം കൊച്ചിയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. മത്സരിക്കാൻ തീരുമാനിച്ചത് പാർട്ടി നിർദ്ദേശപ്രകാരമാണ്. പാർട്ടി മുന്നോട്ടുവെച്ച നാല് മണ്ഡലങ്ങളിൽ തൃശൂർ തെരഞ്ഞെടുക്കുകയായിരുന്നു. എന്നാൽ തൃശൂരിൽ ഉടൻ പ്രചാരണത്തിനിറങ്ങില്ല. പത്ത് ദിവസത്തെ വിശ്രമം ആവശ്യമാണെന്നും സുരേഷ് ഗോപി പറഞ്ഞു . ലതിക സുഭാഷ് മുടി മുറിച്ച സംഭവം വേദനയുണ്ടാക്കി. കോൺഗ്രസിന് ഇനി സ്ത്രീ സംവരണം പറയാൻ അവകാശമില്ലെന്നും സുരേഷ് ഗോപി വ്യക്തമാക്കി.
തൃശൂരില്‍ വിജയസാധ്യതയില്ല, മത്സര സാധ്യത മാത്രമെന്ന് സുരേഷ് ഗോപി