എറണാകുളം : വ്യവസായ മേഖലയിൽ ആറ് ലക്ഷം തൊഴിലവസരങ്ങൾ പുതുതായി സൃഷ്ടിക്കുമെന്ന് മന്ത്രി പി. രാജീവ്. ചുമതലയേറ്റശേഷം ആദ്യമായി കൊച്ചിയിലെത്തിയ അദ്ദേഹം മാധ്യമങ്ങളോട് സംസാരിക്കുകയായിരുന്നു. അഞ്ച് വർഷത്തിനുള്ളിൽ ഇടത്തരം ചെറുകിട വ്യവസായങ്ങൾ മൂന്ന് ലക്ഷമായി ഉയർത്തുകയാണ് ലക്ഷ്യം. പ്രകടനപത്രികയില്‍ പറഞ്ഞതനുസരിച്ച് എന്തെല്ലാം കാര്യങ്ങൾ ചെയ്യാൻ കഴിയുമെന്ന് പ്രാഥമിക പരിശോധന നടത്തി. വ്യവസായ മേഖലയിൽ പുതിയ ഉണർവ്വ് നൽകാൻ എങ്ങിനെ കഴിയുമെന്നത് സംബന്ധിച്ച് റിപ്പോർട്ട് സമർപ്പിക്കാൻ വ്യവസായ വകുപ്പ് പ്രിൻസിപ്പൽ സെക്രട്ടറിയെ ചുമതലപ്പെടുത്തിയെന്നും അദ്ദേഹം പറഞ്ഞു.
വ്യവസായ മേഖലയിൽ 6 ലക്ഷം തൊഴിലവസരങ്ങൾ സൃഷ്ടിക്കുമെന്ന് പി രാജീവ്