തിരുവനന്തപുരം: എറണാകുളം ടൗണിന് സമീപമുള്ള വെള്ളക്കെട്ട് ഒഴിഞ്ഞു. സിഗ്നൽ സംവിധാനം സാധാരണ ഗതിയിൽ പ്രവർത്തിക്കുന്നതിനാൽ നിര്‍ത്തിവച്ച ട്രെയിനുകളുടെ സര്‍വീസ് പുനരാരംഭിച്ചു.
സര്‍വീസ് പുനരാരംഭിച്ച ട്രെയിനുകളിവ : ആലപ്പുഴ വഴി സർവീസ് നടത്തുമെന്ന് അറിയിച്ചിരുന്ന, 17230 സെക്കന്തരാബാദ് - തിരുവനന്തപുരം ശബരി എക്സ്പ്രസ് ഇന്ന് കോട്ടയം വഴി തന്നെ സർവീസ് നടത്തുന്നു. കണ്ണൂരിലേക്ക് പോകുന്ന ആലപ്പുഴ - കണ്ണൂർ എക്സിക്യുട്ടീവ് ഇടപ്പള്ളിയിൽ നിന്നാണ് സർവീസ് ആരംഭിച്ചത്. കോട്ടയം വഴിയുള്ള എറണാകുളം - കൊല്ലം മെമു എക്സ്പ്രസ് തൃപ്പൂണിത്തുറയിൽ നിന്നാണ് സർവീസ് ആരംഭിച്ചത്.