ശബരിമല തീര്‍ത്ഥാടകരുടെ വാഹനം അപകടത്തില്‍ പെട്ടു; നാല് പേര്‍ക്ക് ഗുരുതര പരിക്ക്

ആന്ധ്ര പ്രദേശില്‍ നിന്നുള്ള തീര്‍ഥാടകര്‍ സഞ്ചരിച്ച ട്രാവലറാണ് അപകടത്തില്‍ പെട്ടത്. പരിക്കേറ്റവരെ അടുത്തുള്ള സ്വകാര്യ ആശുപത്രിയിലേക്ക് മാറ്റി.

എറണാകുളം:ആന്ധ്രയിൽ നിന്നെത്തിയ ശബരിമല തീര്‍ത്ഥാടകരുടെ വാഹനംവൈറ്റിലയിൽ അപകടത്തില്‍ പെട്ടു. ലോറിക്ക് പിന്നിൽ ട്രാവലർ ഇടിച്ചായിരുന്നു അപകടം.

രാത്രി 12 മണിയോടെ അപകടം ഉണ്ടായത്. ഡ്രൈവർ ഉൾപ്പടെ പന്ത്രണ്ട് പേർക്കാണ് പരിക്കേറ്റത്. ഇതിൽ നാല് പേരുടെ പരിക്ക് ഗുരുതരമാണ്. പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു.

നാട്ടുകാരും അഗ്നി രക്ഷാ ഉദ്യോഗസ്ഥരും ചേർന്നാണ് പരിക്കേറ്റവരെ പുറത്തെടുത്തത്. കുടുങ്ങി കിടന്നവരെ വാഹനം പൊളിച്ചാണ് രക്ഷപ്പെടുത്തിയത്.