മാർ തോമ പള്ളി വിധി; കോതമംഗലത്ത് പ്രതിഷേധ പ്രകടനം

കോതമംഗലം മാർതോമ ചെറിയപള്ളി അങ്കണത്തിൽ നിന്ന് ആരംഭിച്ച പ്രകടനം ടൗൺചുറ്റി പള്ളിയിൽ സമാപിച്ചു

എറണാകുളം: കോതമംഗലം മാർ തോമ ചെറിയ പള്ളി വിഷയത്തിലെ കോടതി വിധിയുടെ പശ്ചാത്തലത്തിൽ പള്ളി സംരക്ഷിക്കണമെന്നാവശ്യപ്പെട്ട് വിശ്വാസികൾ പ്രകടനം നടത്തി. മതമൈത്രി സംരക്ഷണ സമിതിയുടെ നേതൃത്വത്തിലാണ് പ്രകടനം നടന്നത്.

കോതമംഗലം മാർതോമ ചെറിയപള്ളി അങ്കണത്തിൽ നിന്ന് ആരംഭിച്ച പ്രകടനം ടൗൺചുറ്റി പള്ളിയിൽ സമാപിച്ചു. നാനാജാതിമതസ്ഥരായ നൂറുകണക്കിനാളുകൾ പന്തം കൈകളിലേന്തി പ്രകടനത്തിൽ അണിചേർന്നു. ആന്‍റണി ജോൺ എംഎൽഎ, നഗരസഭ ചെയർപേഴ്‌സൺ മഞ്ജു സിജു, വികാരി ഫാദർ ജോസ് പരത്തുവയലിൽ തുടങ്ങിയവർ പ്രകടനത്തിന് നേതൃത്വം നൽകി.