എറണാകുളം: പന്തീരങ്കാവ് യു.എ.പി.എ കേസ് പ്രതി താഹ ഫസലിന്‍റെ ജാമ്യാപേക്ഷയിൽ കൊച്ചിയിലെ പ്രത്യേക എൻ.ഐ.എ. കോടതി നാളെ വിധി പറയും. ഈ കേസിലെ രണ്ടാം പ്രതികൂടിയായ താഹയുടെ ജാമ്യാപേക്ഷയിൽ കോടതി ഇന്നലെ വിശദമായ വാദം കേട്ടിരുന്നു. ജാമ്യാപേക്ഷയ്ക്കെതിരെ പ്രോസിക്യൂഷൻ ശക്തമായി എതിർപ്പാണ് പ്രകടിപ്പിച്ചത്.
മഞ്ചക്കൽ ഏറ്റുമുട്ടലിൽ മരിച്ച മാവോയിസ്റ്റുകളുടെ മൃതശരീരത്തിൽ നിന്നും ലഭിച്ച പുസ്തകവും താഹയുടെ വീട്ടിൽ നിന്നും ലഭിച്ചതും ഒരേ തരത്തിലുള്ള പുസ്തകമാണ്. രഹസ്യ യോഗം ചേർന്നതായി വ്യക്തമാക്കുന്ന പുസ്തകം പിടിച്ചെടുത്തിട്ടുണ്ട്. ഇതിൽ സൂചിപ്പിച്ച 'ജി' അജണ്ടയെന്നത് ഗറില്ല യുദ്ധത്തെയാണ് സൂചിപ്പിക്കുന്നത്. ജാമ്യം നൽകിയാൽ പ്രതി ഒളിവിൽ പോകുമെന്നതിൽ സംശയമില്ലന്നും പ്രോസിക്യൂഷൻ കോടതിയെ അറിയിച്ചു. അടുത്ത സുഹൃത്തുക്കളായിട്ട് പോലും ഒരു തവണ പോലും താഹയും അലനും ഫോണിൽ സംസാരിച്ചിട്ടില്ല.