എറണാകുളം : ഹേമ കമ്മിറ്റി റിപ്പോർട്ട് പുറത്തുവിടണമെന്ന് ഡബ്ല്യു.സി.സി നിലപാട് എടുത്തിട്ടില്ലെന്ന് നിയമ മന്ത്രി പി.രാജീവ്. ശുപാർശകൾ നടപ്പിലാക്കണമെന്നാണ് ആവശ്യപ്പെട്ടത്. താനുമായുള്ള കൂടിക്കാഴ്‌ചയിലും അവർ ഇക്കാര്യം പറഞ്ഞിരുന്നു. ഇത് ആവർത്തിക്കുക മാത്രമാണ് താൻ ചെയ്‌തത്. രഹസ്യ സ്വഭാവത്തിലാണ് എല്ലാവരും മൊഴി നൽകിയത്. ഇത് പരസ്യമാക്കാൻ പലരും താത്‌പര്യപ്പെടുന്നില്ലെന്നും മന്ത്രി പറഞ്ഞു.
ഹേമ കമ്മിറ്റി റിപ്പോർട്ട് നടപ്പാക്കാൻ വിട്ടുവീഴ്‌ചയില്ലാത്ത ശ്രമം സർക്കാരിന്‍റെ ഭാഗത്തുനിന്നുണ്ട്. നടപടിക്രമം പാലിച്ച് മാത്രമേ ഇക്കാര്യം ചെയ്യാനാകൂ. പല്ലും നഖവുമുള്ള നടപടികൾക്കാണ് സർക്കാരിന്‍റെ ശ്രമമെന്നും പി.രാജീവ് വ്യക്തമാക്കി. സംസ്ഥാനത്ത് നീതി ലഭിക്കുമെന്ന് പ്രതീക്ഷിക്കുന്നതിനാലാണ് ദുരനുഭവമുണ്ടായവർ പരാതി നൽകാൻ സന്നദ്ധരായതെന്നും മന്ത്രി അഭിപ്രായപ്പെട്ടു.
പി.രാജീവ് മാധ്യമങ്ങളോട് സംസാരിക്കുന്നു