എറണാകുളം : സംസ്ഥാനത്ത് പട്ടിണിയില്ലാത്ത ഓണം സർക്കാരിൻ്റെ മുഖ്യ ലക്ഷ്യമായിരുന്നുവെന്ന് മന്ത്രി പി രാജീവ്. ജനക്ഷേമ പ്രവർത്തനങ്ങൾ സർക്കാരിൻ്റെ മുഖമുദ്രയാണന്ന് പറഞ്ഞ മന്ത്രി, മാമലക്കണ്ടത്തെ പട്ടയ പ്രശ്നത്തിനും വന്യ മൃഗശല്യത്തിനും ശാശ്വത പരിഹാരം ഉണ്ടാക്കുമെന്നും അറിയിച്ചു.
സിപിഎം കോതമംഗലം ഏരിയ കമ്മിറ്റിയും, പ്രോഗ്രസീവ് ഹോമിയോപ്പത്‌സ് ഫോറവും സംയുക്തമായി മാമലക്കണ്ടം ഇളമ്പ്ലാശ്ശേരി കുടിയിൽ സംഘടിപ്പിച്ച ഓണം ആഘോഷം ഉദ്ഘാടനം ചെയ്യുകയായിരുന്നു അദ്ദേഹം.
മാമലക്കണ്ടത്തെ പട്ടയ പ്രശ്നത്തിനും വന്യ മൃഗശല്യത്തിനും പരിഹാരം കാണുമെന്ന് ഉറപ്പ് നൽകി മന്ത്രി പി.രാജീവ്
ചടങ്ങിൽ ഓണക്കിറ്റിന്‍റെയും മുതിർന്നവർക്കുള്ള ഓണക്കോടിയുടെയും വിതരണവും മന്ത്രി നിർവഹിച്ചു. ഊര് മൂപ്പൻ മൈക്കിളിനെയും രാജപ്പൻ കാണിയേയും മന്ത്രി പൊന്നാട അണിയിച്ച് ആദരിച്ചു.