എറണാകുളം: നെല്ലിക്കുഴിയിൽനിന്ന് കല്യാണ ഓട്ടം പോയ കെ.എസ്.ആർ.ടി.സി ബസ് നിയമ വിരുദ്ധമായി അലങ്കരിച്ചതിൽ നടപടിയുമായി മോട്ടോർ വാഹന വകുപ്പ്. കോതമംഗലം ജോയിന്‍റ് ആർ.ടി.ഒ ഷോയ് വർഗീസ് കെ.എസ്.ആർ.ടി.സി. കോതമംഗലം ഡിപ്പോയിൽ എത്തി ബസ് പരിശോധിച്ചാണ് കേസെടുത്തത്. ഡ്രൈവർ നെല്ലിക്കുഴി സ്വദേശി റഷീദിനോട് വിശദീകരണവും തേടിയിട്ടുണ്ട്.
'താമരാക്ഷന്‍ പിള്ള'യ്‌ക്കെതിരെ കേസ്; കെഎസ്‌ആര്‍ടിസി ബസ് നിയമ വിരുദ്ധമായി അലങ്കരിച്ചതിൽ നടപടിയെടുത്ത് മോട്ടോര്‍ വാഹന വകുപ്പ്
ബസിന്റെ മുൻഭാഗത്തെ ചില്ലിന്‍റെ ഇടതുവശത്ത് ഡ്രൈവറുടെ കാഴ്‌ച മറയ്ക്കും വിധമായിരുന്നു അലങ്കാരങ്ങൾ. വശങ്ങളിലെ ചമയങ്ങൾ പുറത്തേക്ക് തള്ളിനിൽക്കും വിധത്തിലായിരുന്നുവെന്നും മോട്ടോർ വാഹന വകുപ്പ് ഉദ്യോഗസ്ഥർ വ്യക്തമാക്കി. ഞായറാഴ്‌ച മുൻകൂട്ടി ബുക്ക് ചെയ്‌ത പ്രകാരം കല്യാണ ഓട്ടത്തിന് പോയ കെ.എസ്.ആർ.ടി. ബസിലാണ് യുവാക്കൾ ചേർന്ന് സിനിമയും ലോകകപ്പ് ഫുട്ബോളും പ്രമേയമാക്കി അലങ്കാരം നടത്തിയത്.