എറണാകുളം :പുരാവസ്‌തു തട്ടിപ്പ് കേസിലെ പ്രതി മോൻസണെതിരെ ഗുരുതര ആരോപണവുമായി പീഡനത്തിനിരയായ പെണ്‍കുട്ടി. ഒളിക്യാമറ വച്ച് മോൻസണ്‍ പല ഉന്നതരുടെയും ദൃശ്യങ്ങൾ പകർത്തിയെന്ന് പെണ്‍കുട്ടി ക്രൈംബ്രാഞ്ചിന് മൊഴി നല്‍കി.
വീട്ടിലെ തിരുമ്മൽ കേന്ദ്രത്തിൽ നിന്നുള്ള ദൃശ്യങ്ങളാണ് പകർത്തിയത്. ഇവിടെ ഏട്ട് രഹസ്യ ക്യാമറകൾ സ്ഥാപിച്ചിരുന്നു. തന്‍റെ ദൃശ്യങ്ങളും പകർത്തി. പലരും പരാതി നൽകാത്തത് ബ്ലാക്ക് മെയിലിങ് ഭയന്നിട്ടാണെന്നും പെണ്‍കുട്ടി പറഞ്ഞു. പോക്സോ കേസിലെ പരാതിക്കാരിയെ മോൻസണിന്‍റെ വീട്ടിലെത്തിച്ച് ക്രൈം ബ്രാഞ്ച് വ്യാഴാഴ്ച വിവരശേഖരണം നടത്തിയിരുന്നു.