ലൈഫ് മിഷനിൽ സർക്കാരിന് തിരിച്ചടി; സിബിഐ അന്വേഷണം തുടരാം

സി.ബി.ഐക്ക് അന്വേഷണവുമായി മുന്നോട്ട് പോകാമെന്നും കോടതി അറിയിച്ചു

എറണാകുളം: ലൈഫ് മിഷനിൽ സംസ്ഥാന സർക്കാരിന് തിരിച്ചടി. ലൈഫ് മിഷൻ പദ്ധതിയുമായി ബന്ധപ്പെട്ട സിബിഐ അന്വേഷണം റദ്ദാക്കണമെന്ന സർക്കാരിന്‍റെ ഹർജി ഹൈക്കോടതി തള്ളി.

സിബിഐക്ക് അന്വേഷണവുമായി മുന്നോട്ട് പോകാമെന്നും കോടതി അറിയിച്ചു. വടക്കാഞ്ചേരി ഭവന പദ്ധതിയുമായ ബന്ധപ്പെട്ട ക്രമക്കേടിലാണ് ലൈഫ്‌മിഷൻ ഉദ്യോഗസ്ഥരെ പ്രതിചേർത്ത് സിബിഐ എഫ്ഐആർ. രജിസ്റ്റര്‍ ചെയ്തത്. ഇതിനെതിരെ ലൈഫ് മിഷൻ സിഇഒ യു.വി.ജോസാണ് ഹൈക്കോടതിയെ സമീപിച്ചത്.