എറണാകുളം:കോതമംഗലം നെല്ലിക്കുഴിയില്‍ കൊല്‍ക്കത്തയില്‍ നിന്ന് എത്തിയ അതിഥി തൊഴിലാളിക്ക് പഞ്ചായത്ത് ക്വാറന്‍റൈനില്‍ പ്രവേശിപ്പിക്കാത്തതില്‍ പ്രതിഷേധം. രാവിലെ എട്ട് മണിക്കാണ് ഇയാൾ നെല്ലിക്കുഴിയില്‍ എത്തിയത്. നെല്ലിക്കുഴിയില്‍ ജോലി ചെയ്തിരുന്ന ഇയാൾ ലോക്ക് ഡൗണിന് മുൻപ് നാട്ടില്‍ പോയതാണ്. മതിയായ രേഖകളില്ലാതെ എത്തിയ ഇയാൾക്ക് പഞ്ചായത്ത് ക്വാറന്‍റൈൻ സംവിധാനം ഒരുക്കി നല്‍കാത്തതിനാണ് നാട്ടുകാർ പ്രതിഷേധിച്ചത്. മറ്റൊരു സംസ്ഥാനത്ത് നിന്നെത്തിയ ഇയാളെ എത്രയും വേഗം പഞ്ചായത്ത് ക്വാറന്‍റൈനില്‍ വിടണമെന്നാണ് നാട്ടുകാരുടെ ആവശ്യം. എന്നാൽ ഇയാളെ പഞ്ചായത്തിൽ എത്തിച്ച് മനപ്പൂർവം പ്രശ്നങ്ങൾ ഉണ്ടാക്കാൻ ശ്രമിക്കുന്നതാണെന്നാണ് പഞ്ചായത്ത് ഭരണസമിതി ആരോപിച്ചു. നാട്ടുകാരുടെ പ്രതിഷേധത്തെ തുടർന്ന് പഞ്ചായത്ത് ഇയാളെ തൃപ്പൂണിത്തുറ ആയുർവേദ ക്വാറന്‍റൈനിലേക്ക് മാറ്റി.
അതിഥി തൊഴിലാളിക്ക് പഞ്ചായത്ത് ക്വാറന്‍റൈൻ നല്‍കിയില്ല; നെല്ലിക്കുഴിയില്‍ നാട്ടുകാരുടെ പ്രതിഷേധം