എറണാകുളം :അതിശക്തമായ കാറ്റിൽ വൈദ്യുതി പോസ്റ്റ് മറിയുകയും മരക്കൊമ്പ് ഒടിയുകയും ചെയ്‌തത് ഒന്നിച്ച്. റോഡിലൂടെ ബൈക്കിലും കാറിലും കടന്നുപോയവര്‍ രക്ഷപ്പെട്ടത് സെക്കന്‍ഡുകളുടെ വ്യത്യാസത്തില്‍. ഇതിന്‍റെ ദൃശ്യം പുറത്തുവന്നിട്ടുണ്ട്. ഇന്ന് രാവിലെ (ജൂലൈ 13) കോതമംഗലത്ത് മലയിൻകീഴ് - നാടുകാണി റോഡിൽ കൊവേന്തപ്പടിയിലായിരുന്നു സംഭവം.
പോസ്റ്റ് മറിഞ്ഞുവീണു; യാത്രക്കാർ അത്ഭുതകരമായി രക്ഷപ്പെടുന്ന ദൃശ്യം കൊടുങ്കാറ്റിൽ റോഡിലേക്ക് വൈദ്യുതി പോസ്റ്റ് ഒടിഞ്ഞുവീണപ്പോൾ ബൈക്ക് യാത്രികൻ സെക്കൻ്റുകളുടെ വ്യത്യാസത്തിലാണ് രക്ഷപ്പെട്ടത്. പോസ്റ്റ് വീണതിന് പിന്നാലെ സമീപത്ത് നിന്ന മരത്തിന്‍റെ വലിയ ചില്ല ഒടിഞ്ഞുവീണു. ഇതുവഴി കടന്നുപോയ കാർ ചില്ല വീഴുമ്പോൾ തലനാരിഴയ്‌ക്ക് രക്ഷപ്പെടുന്നതും ദൃശ്യങ്ങളിലുണ്ട്.
തുടർച്ചയായി പെയ്യുന്ന മഴയിൽ കോതമംഗലത്ത് പലയിടത്തും വൈദ്യുതി പോസ്റ്റുകളും വീടുകളും തകരുകയും കൃഷി നാശം സംഭവിക്കുകയും ചെയ്‌തിട്ടുണ്ട്.
