എറണാകുളം:തൃക്കാക്കര മുസ്ലീംലീഗ് നേതാവിൻ്റെ മകന്‍റെ സ്വർണക്കടത്തിലെ പങ്കിനെ പറ്റിയുള്ള പുറത്തുവന്ന വിവരങ്ങള്‍ മഞ്ഞുമലയുടെ അറ്റം മാത്രമെന്ന് സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണൻ. എന്തെല്ലാമാണ് നടന്നതെന്ന് അന്വേഷണത്തിൽ പുറത്തുവരേണ്ട കാര്യമാണ്. കേരളത്തിൽ ലീഗിൻ്റെ തണലിലാണ് കോൺഗ്രസ് പ്രവർത്തിക്കുന്നതെന്നും കോടിയേരി ആരോപിച്ചു.
ലീഗ് ആണെങ്കിൽ എസ് ഡി പി ഐ പോലുള്ള വർഗീയ ശക്തികളുമായി ചേർന്നാണ് പ്രവർത്തിക്കുന്നത്. ഇത് ആർഎസ്എസിനെ സഹായിക്കുന്ന നിലപാടാണ്. ജയിംസ് മാത്യു പാർട്ടി പ്രവർത്തനം പൂർണമായി നിർത്തുന്നു എന്ന് ഇതുവരെ അറിയിച്ചിട്ടില്ല എന്നും കോടിയേരി പറഞ്ഞു.
ലീഗ് നേതാവിന്‍റെ മകൻ സ്വര്‍ണക്കടത്തില്‍: പുറത്തുവന്ന വിവരങ്ങള്‍ മഞ്ഞുമലയുടെ അറ്റമെന്ന് കോടിയേരി