എറണാകുളം: കൊച്ചിയിൽ മുൻ മിസ് കേരള ഉൾപ്പടെ മൂന്ന് പേർ മരിച്ച സംഭവത്തില്‍ പ്രതി സൈജുവിന്‍റെ ലഹരി പാര്‍ട്ടികളില്‍ പങ്കെടുത്തവര്‍ക്കെതിരെയും കേസ്. യുവതികളടക്കം 17 പേര്‍ക്കെതിരെയാണ് കേസെടുത്തിരിക്കുന്നത്.
സൈജു തങ്കച്ചന്‍റെ മൊബൈല്‍ ഫോണില്‍ നിന്നും കണ്ടെടുത്ത ദൃശ്യങ്ങളില്‍ ഉണ്ടായിരുന്നവരെ പൊലീസ് തിരിച്ചറിഞ്ഞിരുന്നു. ഇവര്‍ക്കെതിരെയാണ് നടപടി. എന്നാല്‍ ഇവരില്‍ പലരുടേയും ഫോണ്‍ ഓഫാണെന്ന് പൊലീസ് അറിയിച്ചു. ഇവരെ കണ്ടെത്തി കസ്റ്റഡിയിലെടുക്കാനുള്ള നീക്കം തുടരുകയാണ്.
രണ്ട് തവണയായി ഏഴ്‌ ദിവസം സൈജുവിനെ പൊലീസ് ചോദ്യം ചെയ്‌തിരുന്നു. വിശദമായ ചോദ്യം ചെയ്യലിലാണ് വിവിധയിടങ്ങളില്‍ നടന്ന പാര്‍ട്ടികളിലെ ലഹരി ഉപയോഗം സംബന്ധിച്ച് സൈജു മൊഴി നല്‍കിയത്. വാഗമൺ ലഹരിക്കേസിലെ പ്രതിയോടൊപ്പമുള്ള ചിത്രവും എംഡിഎംഎ ഉള്‍പ്പടെയുള്ള ലഹരി മരുന്നുകള്‍ ഇയാള്‍ ഉപയോഗിക്കുന്നതിന്‍റെ ദൃശ്യങ്ങളും ഫോണില്‍ നിന്ന് കണ്ടെടുത്തിരുന്നു.