എറണാകുളം :ലക്ഷദ്വീപിലേക്ക് കൊച്ചി വഴിയുള്ള യാത്ര ഉപേക്ഷിച്ച് അഡ്മിനിസ്ട്രേറ്റർ പ്രഫുൽ കെ. പട്ടേൽ. അവസാന നിമിഷമാണ് ഔദ്യോഗിക സന്ദർശന പാതയിൽ നിന്നും കൊച്ചി ഒഴിവാക്കിയത്. അഡ്മിനിസ്ട്രേറ്റർ ഗോവയിൽ നിന്നും നേരിട്ട് അഗത്തിയിലേക്ക് പോയതായാണ് സൂചന.
കൊച്ചി വിമാനത്താവളത്തില്‍ എത്തുമെന്ന് നേരത്തേ വിവരമുണ്ടായിരുന്നതിനാല്‍ അഡ്മിനിസ്ട്രേറ്ററെ കാണാൻ യുഡിഎഫ് എം.പിമാരായ ഹൈബി ഈഡനും, ടി.എൻ. പ്രതാപനും എത്തിയിരുന്നു.
ലക്ഷദ്വീപ് അഡ്മിനിസ്ട്രേറ്റർ കൊച്ചിയിലിറങ്ങാതെ അഗത്തിയിലേക്ക് ഒളിച്ചോടിയെന്ന് ടി.എൻ.പ്രതാപൻ എം.പി പ്രതികരിച്ചു. കരിനിയമങ്ങൾക്കെതിരെ കോടതിയെ സമീപിക്കുന്നത് പരിഗണനയിലാണെന്ന് ഹൈബി ഈഡൻ എം.പി. പറഞ്ഞു.