കിഫ്ബി മസാല ബോണ്ട്; തോമസ് ഐസക്കിന് 'ഇഡി' സമന്‍സ് അയക്കുന്നതിനുള്ള തടസം നീങ്ങി

Kifb Masala Bond Case: കേസിൽ തോമസ് ഐസകിന് ഇ.ഡി സമൻസ് അയയ്ക്കുന്നത് നേരത്തെ ഹൈക്കോടതി വിലക്കിയിരുന്നു.

എറണാകുളം: കിഫ്ബി മസാല ബോണ്ട് കേസിൽ മുൻ മന്ത്രി തോമസ് ഐസക് ഉൾപ്പെടെയുള്ളവർക്ക് സമൻസ് അയയ്ക്കാൻ ഇ.ഡിയ്ക്ക് ഹൈക്കോടതി അനുമതി നൽകി(kiffb).ഐസക്കിന് സമൻസ് അയയ്ക്കരുതെന്ന ഇടക്കാല ഉത്തരവ് പരിഷ്കരിച്ചു കൊണ്ടാണ് കോടതി നടപടി. അന്വേഷണവുമായി ഇഡിയ്ക്ക് മുന്നോട്ടു പോകാമെന്നും ഹൈക്കോടതി വ്യക്തമാക്കി.(Thomas issac) കേസിൽ നേരത്തെ തോമസ് ഐസകിന് ഇ.ഡി സമൻസ് അയയ്ക്കുന്നത് ഹൈക്കോടതി വിലക്കേർപ്പെടുത്തിയിരുന്നു.

കിഫ്ബി മസാല ബോണ്ട്(massala bond) കേസിൽ മുൻ മന്ത്രി തോമസ് ഐസക്ക് ഉൾപ്പെടെയുള്ളവർക്ക് സമൻസ് അയയ്ക്കാൻ ഇ.ഡിയ്ക്ക് അനുമതി നൽകിക്കൊണ്ടാണ് ഹൈക്കോടതിയുടെ ഇടക്കാല ഉത്തരവ്.തോമസ് ഐസക്കിന് സമൻസ് അയയ്ക്കുന്നതിന് വിലക്കേർപ്പെടുത്തിക്കൊണ്ടുള്ള മുൻ ഇടക്കാല ഉത്തരവ് പരിഷ്കരിച്ചുകൊണ്ടാണ് കോടതി നടപടി. അന്വേഷണവുമായി മുന്നോട്ടു പോകാമെന്നും ഇടക്കാല ഉത്തരവിൽ ജസ്റ്റിസ് ദേവൻ രാമചന്ദ്രൻ വ്യക്തമാക്കി.തോമസ് ഐസക്കിനടക്കം പുതിയ സമൻസ് അയയ്ക്കാൻ തയ്യാറാണെന്ന് എൻഫോഴ്സ്മെന്റ് ഡയറക്ടറേറ്റ് വ്യക്തമാക്കിയതിന്റെ അടിസ്ഥാനത്തിലാണ് കോടതി അനുമതി നൽകിയത്.

മസാലബോണ്ട് ഇറക്കിയതിൽ ഫെമ നിയമ ലംഘനം ഉണ്ടായിട്ടില്ലെന്നും റിസർവ്വ് ബാങ്ക് അനുമതിയോടെയാണ് മസാലബോണ്ട് ഇറക്കിയതെന്നുമാണ് തോമസ് ഐസക്കിന്റെ വാദം. കിഫ്ബിക്ക് അനുകൂലമായി ആർബിഐ നേരത്തെ സത്യവാങ്മൂലം നൽകിയിരുന്നു.

മസാലബോണ്ടിന് അനുമതി ഉണ്ടെന്നും തുകയുടെ കണക്ക് ലഭ്യമാക്കിയിരുന്നെന്നുമാണ് ആർബിഐയുടെ സത്യവാങ്മൂലം.കേസിൽ ഇ.ഡിയുടെ അന്വേഷണത്തിനെതിരെ തോമസ് ഐസക്കടക്കം നൽകിയ ഹർജികളിൽ ഹൈക്കോടതി ഈ വരുന്ന വെള്ളിയാഴ്ച്ച വീണ്ടും വാദം കേൾക്കും.

read more; 'വിധിയില്‍ തൃപ്‌തിയുണ്ട്, സന്തോഷവതിയാണെന്ന് പറയുന്നില്ല'; സൗമ്യ വിശ്വനാഥന്‍റെ അമ്മ