എറണാകുളം : വാക്‌സിൻ ചലഞ്ചിന്‍റെ പേരില്‍ നിര്‍ബന്ധിത പിരിവ് പാടില്ലെന്ന് ഹൈക്കോടതി. മുഖ്യമന്ത്രിയുടെ ദുരിതാശ്വാസ നിധിയിലേക്ക് അനുമതിയില്ലാതെ തുക പിടിച്ചെന്ന്‌ കാണിച്ച് കെഎസ്‌ഇബി റിട്ടേര്‍ഡ്‌ ജീവനക്കാരായ ഇ.ജി രാജനും എം. കേശവന്‍ നായരും നല്‍കിയ ഹര്‍ജിയിലാണ് കോടതി ഇടപെടല്‍.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ആളുകള്‍ സ്വമേധയാ പണം നല്‍കുകയാണ്. നിയമത്തിന്‍റെ പിന്‍ബലമില്ലാതെ തുക നല്‍കാന്‍ ആരെയും നിര്‍ബന്ധിക്കരുത്.
ഹർജിക്കാരിൽ നിന്ന് പിടിച്ച തുക രണ്ടാഴ്‌ചയ്‌ക്കം തിരിച്ച് നൽകണം. രേഖാമൂലമുള്ള അനുമതിയില്ലാതെ ഇത്തരത്തിൽ തുക പിടിക്കില്ലെന്ന് ഉറപ്പ് നൽകണമെന്നും സിംഗിള്‍ ബഞ്ച് നിർദേശിച്ചു.