എറണാകുളം: കളമശേരിയിൽ വൻ തീപിടിത്തം. കളമശ്ശേരി മെഡിക്കൽ കോളജിന് സമീപം കിൻഫ്ര വ്യവസായ പാർക്കിൽ പ്രവർത്തിക്കുന്ന ഗ്രീൻ ലീഫ് എന്ന സ്ഥാപനത്തിലാണ് തീപിടിത്തമുണ്ടായത്. രാവിലെ ആറര മണിയോടെയാണ് പുക ഉയരുന്നത് ജീവനക്കാരുടെ ശ്രദ്ധയിൽ പെട്ടത്.
നിരവധി ജീവനക്കാർ സുഗന്ധദ്രവ്യങ്ങൾ നിർമിക്കുന്ന കമ്പനിയിൽ ഈ സമയത്ത് ജോലി ചെയ്യുന്നുണ്ടായിരുന്നു. തീപടരുന്നത് ശ്രദ്ധയിൽ പെട്ടതിനെ തുടർന്ന് ജീവനക്കാർ ഓടി രക്ഷപ്പെട്ടു. വൻ തോതിതിൽ തീയും പുകയും ഉയർന്നത് ആശങ്കയ്ക്ക് ഇടയാക്കിയിരുന്നു.
കളമശേരി കിൻഫ്ര പാർക്കിലെ സുഗന്ധദ്രവ്യ നിർമാണ കമ്പനിയിൽ വൻ തീപിടിത്തം