എറണാകുളം:ഐഎസ്ആർഒചാരക്കേസ് ഗൂഢാലോചനയിലെ പ്രതികളുടെ മുൻകൂർ ജാമ്യാപേക്ഷ ഹൈക്കോടതി ക്രിസ്‌മസ് അവധിക്ക് ശേഷം പരിഗണിക്കാൻ മാറ്റി. ഹർജികൾ ജനുവരി മൂന്നിന് വീണ്ടും എടുക്കും. സിബി മാത്യൂസ്, ആർ ബി ശ്രീകുമാർ അടക്കമുള്ളവരുടെ മുൻകൂർ ജാമ്യഹർജികളാണ് കോടതിയുടെ പരിഗണനയിലുള്ളത്.
ഹർജികൾ പരിഗണിക്കുന്നതിൽ നിന്നും നേരത്തെ ജസ്റ്റിസ് വിജു എബ്രഹാം പിന്മാറിയിരുന്നു. സുപ്രീം കോടതി നിർദേശത്തെ തുടർന്നായിരുന്നു പ്രതികൾ ഹൈക്കോടതിയെ സമീപിച്ചത്. നേരത്തെ ഹൈക്കോടതി ഇടക്കാല മുൻകൂർ ജാമ്യം അനുവദിച്ചതിനെതിരെ സിബിഐ സുപ്രീം കോടതിയെ സമീപിച്ചിരുന്നു. തുടർന്ന് സുപ്രീം കോടതി ജാമ്യം റദ്ദാക്കി. പ്രതികൾ ഹൈക്കോടതിയെ തന്നെ സമീപിക്കണമെന്ന് ഉത്തരവിട്ടു.