എറണാകുളം : വായ്‌പ തട്ടിപ്പ് കേസില്‍ ഹീര ഗ്രൂപ്പ് എം.ഡി അറസ്റ്റില്. എൻഫോഴ്സ്മെന്‍റ് ഡയറക്‌ടറേറ്റാണ് ( ഇഡി) ഹീര കൺസ്ട്രക്ഷൻസ് എം ഡി അബ്‌ദുൾ റഷീദിനെ അറസ്റ്റ് ചെയ്‌തത്. (Heera Group MD arrested by ED in the caseof bank loan fraud). കൊച്ചിയിൽ നിന്നുള്ള ഇ.ഡി സംഘമാണ് അബ്‌ദുൾ റഷീദിനെ അറസ്റ്റ് ചെയ്‌തത്.
എസ് ബി ഐ യിൽ നിന്ന് വായ്‌പയെടുത്ത് തിരിച്ചടയ്ക്കാതെ വഞ്ചിച്ചെന്ന കേസിലാണ് അറസ്റ്റ് രേഖപ്പെടുത്തിയത്. ആക്കുളത്തെ ഫ്ലാറ്റ് നിർമ്മാണത്തിനായിരുന്നു അബ്‌ദുൾ റഷീദ് വായ്‌പയെടുത്തത്. അബ്‌ദുൾ റഷീദിനെ ഉച്ചയോടെ എറണാകുളം കലൂർ പി എം എൽ എ കോടതിയിൽ ഹാജരാക്കും. തുടർന്ന് കസ്‌റ്റഡിയിൽ വാങ്ങി ഇഡി ചോദ്യം ചെയ്തേക്കും.