എറണാകുളം : ഹലാൽ ശർക്കര വിവാദത്തിൽ(halal jaggery controversy) ഭക്ഷ്യസുരക്ഷ വകുപ്പിനോട്(Kerala food safety department) വിശദീകരണം തേടി ഹൈക്കോടതി(kerala high court). ഭക്ഷ്യസുരക്ഷ വകുപ്പ് കമ്മിഷണറാണ് മറുപടി നല്‍കേണ്ടത്. ശബരിമലയിൽ പ്രസാദ നിർമാണത്തിന് ഹലാൽ സർട്ടിഫിക്കേഷനുള്ള ശർക്കര ഉപയോഗിക്കുന്നു എന്ന് ആരോപിച്ചുള്ള ഹർജി പരിഗണിക്കുകയായിരുന്നു കോടതി.
ഗുണനിലവാരം ഉറപ്പാക്കിയുള്ള ശര്‍ക്കരയാണ് അപ്പം, അരവണ നിര്‍മാണത്തിനായി സന്നിധാനത്തേയ്ക്ക് അയയ്ക്കുന്നതെന്ന് സര്‍ക്കാര്‍ കോടതിയെ അറിയിച്ചിരുന്നു. ഭക്ഷ്യസുരക്ഷ വകുപ്പിന് കീ‍ഴില്‍ ഗുണനിലവാര പരിശോധന നടത്തി വരുന്നതായും സർക്കാർ വ്യക്തമാക്കി.