കരിപ്പൂരിൽ ഒരു കോടി രൂപയുടെ സ്വർണം പിടികൂടി - കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും വൻ സ്വർണ്ണ വേട്ട.
ഒരാഴ്ച്ചക്കകം നടത്തുന്ന മൂന്നാമത്തെ വലിയ സ്വർണ്ണവേട്ടയാണ് ഇന്നത്തേത്. മൂന്ന് കിലോ സ്വർണമാണ് കസ്റ്റംസ് പിടികൂടിയത്.
എറണാകുളം: കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും വൻ സ്വർണ്ണ വേട്ട. മൂന്ന് പേരിൽ നിന്നായി ഒരു കോടിയോളം രൂപ വില വരുന്ന സ്വർണം പിടികൂടി. ഒരാഴ്ച്ചക്കകം നടത്തുന്ന മൂന്നാമത്തെ വലിയ സ്വർണ്ണവേട്ടയാണ് ഇന്നത്തേത്. മൂന്ന് കിലോ സ്വർണമാണ് കസ്റ്റംസ് പിടികൂടിയത്. ജിദ്ദയിൽ നിന്നും വന്ന മലപ്പുറം വണ്ടൂർ സ്വദേശി പുല്ലത്ത് നിയാസിന്‍റെ പക്കൽ നിന്നും 1398 ഗ്രാം സ്വർണം പിടികൂടി. എമർജൻസി വിളക്കിന്‍റെ ബാറ്ററിക്കകത്ത് ഒളിപ്പിച്ച നിലയിലായിരുന്നു സ്വർണം. അബുദാബിയിൽ നിന്നും വന്ന ഭട്കൽ സ്വദേശി അഹമ്മദ് ഇർഷാദിന്‍റെ പക്കൽ നിന്നും വസ്ത്രത്തിനകത്തും ലഗ്ഗേജിലും സൂക്ഷിച്ച നിലയിൽ 666 ഗ്രാം സ്വർണവും പിടികൂടി. 885 ഗ്രാം സ്വർണമാണ് കോഴിക്കോട് കൊടുവള്ളി സ്വദേശി മുഹമ്മദ് ഷഫീക്കിൽ നിന്നും പിടികൂടിയത്. അടിവസ്ത്രത്തിൽ ഒളിപ്പിച്ച നിലയിലായിരുന്നു സ്വർണം. വിപണയിൽ സ്വർണത്തിനുണ്ടായ വിലകയറ്റവും നികുതിയിലുണ്ടായ വർദ്ധനവും നികുതി വെട്ടിച്ച് സ്വർണ്ണം കടത്തുന്നതിന് പ്രധാന കാരണമാകുന്നുണ്ട്.