എറണാകുളം : സ്വർണ വിലയിൽ ഇന്ന് നേരിയ കുറവ്. യുക്രൈനെതിരായ റഷ്യയുടെ സൈനിക നടപടി തുടരുന്ന സാഹചര്യത്തിൽ സ്വർണ വിലയിൽ കഴിഞ്ഞ ദിവസങ്ങളിൽ വൻ വർധനവാണ് രേഖപ്പെടുത്തിയിരുന്നത്. ഇന്ന് ഒരു ഗ്രാം സ്വർണത്തിന്‍റെ വിലയിൽ 40 രൂപയുടെ കുറവാണ് ഉണ്ടായത്.
ഇതോടെ ഒരു ഗ്രാമിന്‍റെ വില 4,730 രൂപയും ഒരു പവൻ സ്വർണ വില37,840 രൂപയുമായി. യുക്രൈനിൽ റഷ്യ യുദ്ധം തുടങ്ങിയ ദിവസം മുതൽ സ്വർണവിപണിയിൽ വില ഉയർന്ന് കൊണ്ടിരിക്കുകയായിരുന്നു. യുക്രൈനെ നാറ്റോ സഖ്യം സൈനികമായി സഹായിക്കില്ലെന്ന തീരുമാനം വന്നതോടെ സ്വർണവിലയിൽ നേരിയ കുറവ് സംഭവിച്ചിരുന്നു.